بشرى... رفع مرتبات الاطباء ل 5000 جنيه حد ادنى

البهوات بتوع الشرطة لما زعلوا قوي من اللي حصل ايام الثورة و انهم يا عيني ما بقوش عارفين يشتغلوا و نفسيتهم تعبت قوي خالص صرفوا لكل واحد فيهم بدل نفسي 1000 جنيه . دول الشرطة اللي انسحبت تماما ايام الثورة و زرعوا مكانهم البلطجية.. و الدكاترة هناك لسة مزروعين في المستشفيات بيستقبلوا الجرحى و المصابين.. و مالناش الهوا...

الاساتذة المحترمين المحاسبين في البنوك اشتكوا من العدوى اللي ممكن تجيلهم في الفلوس فيتصرفلهم بدل عدوى 300 جنيه... و عارفين بدل عدواكم كام يا دكاترة؟ 19 جنيه .. تكفي علاجات و تفيض

خلاص مجلس الدولة اتفق على ان يكون الحد الادنى للمرتبات للعاملين الغير مؤهلين 1200 جنيه.. يعني ياللي فرحوا بالزيادة اللي قال عليها الوزير... اتنيلوا بقيتوا برضه تاخدوا قد مرتب الساعي..

السيد د.حمدي السيد بقاله 19 سنه نقيب و كانت اخر انتخابات للنقابة من 19 سنه و قال ايه... البيه مش عايز يحسبهم علشان كان قاعد غصب عنه...

النقابة معناها عند جميع الاطباء.. الاشتراك و المشروع العلاجي و بس...

العجز في ميزانية النقابة مقابلة تهاني و اعلانات في الصحف ليس لها قيمة لكافة اطباء النقابة بتكلفة عالية تصل الى 800000 جنيه .

الدكتور عصام العريان امين الصندوق لما لقى اننا هنبتدي نقول مطالب و نحاول ننحي حمدى السيد من التكلم باسمنا هدد بان احتماع الجمعية العمومية الغير عادي بهدف واحد بس هو تعديلات في لائحة النقابة.. و اصرينا على اننا نقول صوتنا.. قال مش لاعب و مشى و افتكر انه قفل الاجتماع و بعدين تدارك الوضع بعد ما كملنا احنا الاجتماع من غيره و اختارنا مديرين للجنة من كبار الاطباء الموجودين.. ليعلن تضامنه معانا الا في مسأله مناقشه حمدى السيد حول مطالبنا و تنحنا بصراحة و قلنا ابدا دا كداب و بيطلع يغير كل كلام الجمعية العمومية و بيلغيها من نفسه كدة.. و بعدين لما هو أساسا ماحضرش احتماع الجمعية العمومية فمش من حقه انه يتكلم غصب عننا و احنا مش عايزينه يتكلم باسمنا...