نيابة باثولوجي اكلينيكي في أحمد ماهر التعليمي أفضل و لا زمالة مصرية

أنا مستني نتيجة نيابة نوفمبر 2009 و ان شاء الله تجيلي باثولوجي اكلينيكي في أحمد ماهر و لا أقدم في حركة الزمالة الحالية باثولوجي اكلينيكي
يعني مين الأفضل في هذا التخصص نيابة أحمد ماهر و لا الزمالة المصرية من حيث التعليم و ده أهم حاجة و فرص السفر للخارج يا ريت حد يرد عليا ضروري جدا

انا برضه كنت مقدمة على الاتنين
و جاتلي الزمالة و استلمتها و بعدين ظهرت النيابات
و جاتلي برضه نفس التخصص

سألت دكتورة كبيرة استشاري في المطرية التعليمي قالتلي عايزة شهادة و لا عايزة تتعلمي؟
التعليم في التخصص في الوقت الحالي احسن في الزمالة
انا لي واحدة صاحبتي خلصت نيابة في المطرية التعليمي ما تعرفش تشتغل حاجات كتير قوي
انما احنا علشان بنلف و في روتيشن
و بنروح الجامعة و بنتدرب فيها المفروض نعرف نعمل كل حاجة

فرص السفر للخارج طبعا الزمالة تكسب
بتتخرج من الزمالة و تتسجل اخصائي مش اللي مخلص ماستر مساعد اخصائي
بس ماتفكرش في فلوس زيادة عن اي حد بالعكس
احنا كنا بناخد نوبجيات في المطرية ببلاش و من غير بدلات راحة و شغل زي الحمير من غير فتفوتة اقتصادي و لا عديات و لا حاجة زيادة
بس عوضنا القهر دة في الجامعة
صحيح مش بناخد الفلوس اياها بس ممكن تشتغل تاني جنب شغلك في الجامعة براحتك
بالنسبة لاحمد ماهر ما اعرفش الشغل هناك عامل ايه
اسأل هناك و انت اللي تقرر

شكرا جزيلا يا دكتورة على ردك و أنا ان شاء الله هاقدم على الزمالة و ان شاء الله تجيلي في جامعة الزقازيق لان أنا من الزقازيق